Search

أولياء أمور مدرسة مودرن سكول عين شمس يدشنون حملة تمرد بسبب زيادة المصروفات

شكوى أولياء الأمور


دشن أولياء أمور مدرسة مودرن سكول أحمد عصمت الخاصة بعين شمس بالقاهرة حملة جمع توقيعات على وثيقة تمرد ضد صاحب المدرسة سيد جلال وإدارتها … وقرر أولياء الأمور التصعيد ضد مالك المدرسة الذي لا يلتزم بأي قوانين وتهديد أولياء الأمور الغاضبين بطرد أولادهم من المدرسة تحت زعم أن مسئولي التعليم الخاص والوزارة في جيبه على حد قولهم …

قرر أولياء الأمور جمع توقيعات ضد إدارة المدرسة وطرق أبواب كل المسئولين بداية من محمد عطية وكيل أول الوزارة مدير تعليم القاهرة وحتى رئاسة الجمهورية مرورا بوزارة التربية والتعليم …

حدد أولياء الأمور ستة أسباب للتمرد ضد المدرسة وصاحبها الذي يرفض حل أي مشكلة ويرفض النقاش مهددا أي ولي أمر بعبارة: مش عاجبك خد ملف ابنك ومع السلامة .. واخبطوا راسكوا في الحيطة … والأسباب الستة هي:

زيادة المصروفات بطريقة جزافية ومستفزة دون الإلتزام بقرارات الوزارة … وعندما طالبه أولياء الأمور بتفسير أسباب الزيادة قال لهم: دي سياسة المدرسة واخبطوا راسكوا في الحيطة واللي مش عاجبه ياخد ملف ابنه …

لا تقوم الإدارة المالية بالمدرسة بتسليم أولياء الأمور إيصالات تفيد سداد المصروفات .. وهذا غثبات كافي على أن المدرسة ترفع المصروفات دون أي التزام بنسبة الزيادة التي أقرها التعليم الخاص بالوزارة ..

إجبار أولياء الأمور على دفع مصروفات الكتب الدراسية مع أنها في جميع المدارس إختياري … بكنها في مدرسة مودرن سكول أحمد عصمت بجميع أقسامها إجباري …

كثافة الفصول في مدرسة مودرن سكول أحمد عصمت – عين شمس – بالقاهرة تبلغ 45 تلميذ .. فما الفرق بينها وبين المدارس الحكومية التي لا تحصل على مصروفات ..

نظافة المدرسة أمر يجعل التلاميذ يمتنعون عن دخول الحمامات خوفا من الأمراض والعدوى بسبب عدم النظافة وهو أمر يصيب التلاميذ بعدم التركيز خلال اليوم الدراسي ..

إجبار التلاميذ على دخول جروبات المدرسين والدروس الخصوصية دون أخذ موافقة ولي الأمر ودون التفاهم ودون اي نقاش حول مستوى التلميذ فالأمر كله سبوبة لجمع الأموال …

أولياء أمور مدرسة مودرن سكول أحمد عصمت الخاصة بعين شمس بالقاهرة يستغيثون بمدير تعليم القاهرة محمد عطية وبالدكتور طارق شوقي وزير التربية والتعليم لوقف هذه المهازل والزام صاحب المدرسة بالإرتقاء بالعملية التعليمية والقرارات الوزارية بالنسبة للمصروفات وكثافة الفصول ونظافة المدرسة …




14 تعليق على “أولياء أمور مدرسة مودرن سكول عين شمس يدشنون حملة تمرد بسبب زيادة المصروفات

  1. Fatma reda

    طبعا مهزله ولعب علي كبير والضحايا هما اولياء الامور والطلبه ندفع المصاريف مع بدايه الاجازه الصيفيه يبداءو بالتهديد اننا لازم ندفع 25% من قيمه المصروفات عشان نحجز اماكن لاولادنا في المدرسه وطبعا كل الناس اللي بتدفع في الصيف قبل شهر 9 مش بتاخد اي ايصالات مجرد ورقه ملونه كده احنا خلاص ضمنا حقنا عشان الاداره المحترمه تشيل الفلوس وتستفيد بالفوايد اللي هتطلعلها في الاجازه الصيفيه هو ده التعليم في مصر واما نعترض المدير المحترم بيقولنا اللي مش عاجبه يتفضل يمشي

  2. محمد

    فعلا زياده المصروفات زياده رهيبه مع عدم اهتمام بالفصول وعدد التلاميذ في الفصل
    اصبحت المدرسه تنافس المدارس الحكومية اللي من غير مصروفات ولا تنافس المدارس الخاصة نهائيا
    ساعدونا لكي ناخذ حقنا

  3. سماح

    احنا تعبنا من سلبيات المدرسه واتكلمنا كتير ومافيش حاجه بتتعمل الديسكات كلها مسامير وبتتسبب فى قطع هدوم اولادنا غير الجروح فى جسم أولادنا. المراوح بايظه والتكيفات دايما مفصوله. الحمامات ريحتها مش كويسه ولادنا كانوا بيتسبتوا فى الحمامات وبينضربوا ويتاخد فلوسهم من طلبه تانين أكبر غير زياده المصاريف وكمان البنكات إللى المدرسه بتعملها ويتبقى غاليه جدا واجبارى علينا ولما اشتكينا ونزل ناس من الوزاره نبهوا على الولاد ان الشنط تبقى خفيفه تخفى البنكات ومانجبهاش غير لما نطلب واللى هنلاقى معاه البنك هايتعاقب وغيره و اللى مخلينا فيها قربها من المسكن ليس اكثر

  4. saif

    ياريت الوزاره تشوف حل مفيش اي نشاط في المدرسه مفيش نظافه في التواليت مفيش اجهزه كمبيوتر ميعرفوش شكله وكمان بيمتحنو كمبيوتر ازاي. الجيل اللي خارج من مدرسه مودرن سكول أحمد عصمت جيل فكره عقيم

  5. أثق بربى

    رجاء انقذونا احنا اولياء امور مدرسه مودرن سكول احمد عصمت من جشع صاحب المدرسه. سيد جلال
    من ارتفاع فظيع في المصاريف والباص وعدم اعطاء اولياء الامور اي ايصالات وكثافة فصول تصل الي اكثر من ٥٠طفل في فصول صغيره وديسكات متهالكه ونظافه حمامات مترديه والاجبار علي دخول المجموعه المدرسيه وعدم وجود انشطه ومساؤ اخري كثيره هذه اهمها رجاء ايصال اصواتنا للمسؤلين

  6. Engy Essam Noja

    طبعااااا اى حد هيقول ماتسبوها وتروحو مدرسه تانيه ؟. .. للاسف مش سهل تنقل من مودرن عشان صاحب المدرسه مظبط الاداره ف عين شمس….والاهم المدارس التانيه مكتفيه باولادها عشان الكثافه فى الفصول والحكوميه زى الرسميه لغات والرسميه مميزه برضه مش ييقبلو تحويلات بسهوله بالعكس بيحاولو على قد مايقدرو عرقلة الأوراق …. السؤال هنا فى حد مسئؤل نقدر نقوله نفذ القانون ويطبقه على الجميع ؟

التعليقات مغلقة.