Search

إمتحانات أولى ثانوي: ورقي ولا أونلاين ..صباحي ولا مسائي..في مدرستي ولا مدرسة تانية

بدء الدراسة على التابلت


ورقي ولا أونلاين .. صباحي ولا مسائي ولا وقت القيلولة .. همتحن في مدرستي ولا في مدرسة تانية .. في المدرسة ولا في البيت ولا الغيط ولا ع القهوة .. هذا حال إمتحانات أولى ثانوي عام بعد أن أصبحت 600 حتة .. والوزير : أنا احوليت يا رجالة والوزارة هتقفل .. السرفر عايز فلوس والقلوس عايزة قرار من الحكومة والقرار عايز فلوس والفلوس عايزة قرار …

طلاب هتمتحن ورقى .. وطلاب هتمتحن أونلاين .. طلاب هتمتحن صباحى .. وطلاب هتمتحن مسائى .. طلاب هتمتحن فى مدارسها .. وطلاب هتمتحن فى مدارس غير مدارسها
.. طلاب لسة بتذاكر من الكتب وطلاب تانية عارفين «ديتها» وبيتفرجوا على فيديوهات .. طلاب بتروح المدارس وطلاب شايفة إن المدارس ملهاش لازمة .. مديرين مدارس مش عارفين راسهم من رجليهم .. ومديرين مديريات مش عارفين هيطبعوا الإمتحانات فين ولا منين ولا إيه الإمتحان اللي هيطبعوه أصلا .. ووزير بينشر نماذج إسترشادية للإمتحانات وبينشر فيديوهات : كيف تفتح التابلت وإزاي تقفله .. شيل الفيشة وحط الفيشة إرفع الكبوت ونزله .. هو ده التطوير الحقيقي للتعليم وإعادة بناء المواطن المصري ..

إقتربنا من إسدال ستار النهاية على « فنكوش» تابلت شوقي .. المقدمات: سرفر إمتحانات أولى ثانوي تعرض لمؤامرة دخول 4 ملايين من أعداء الثانوية العامية عشان كدة وقع … نسرع الشريط شوية: السرفر وقع عشان مدفعناش فلوس السرفر أصلنا مزنوقين .. ومحتاجين « 11» مليار جنيه وإلا همشي والوزارة هتقفل ..

مزنوقين ليه يا معالي الوزير … الوزير .. خد عندك يا سيدي :
عندي حوالي 25 مساعد وزير ومستشار بيقبضوا كل شهر أكثر من نصف مليون جنيه رواتب غير العمولات والسبوبة اللي بيطلعوها .. من البزنس في الكتب والتدريبات والتعليم المزدوج وغيره وغيره ..

عندك رضا حجازي رئيس قطاع التعليم العام وإمبراطور الإمتحانات والكنترولات يحصل هو رجاله في الكنترولات على أكثر من 30 مليون جنيه في السنة .. بعضهم يحصل على أكثر من 120 ألف جنيه شهريا هذا غير سبوبة بيع الإمتحانات وسبوبة المرضي عنهم في لجان النظام والمراقبة …

الوزارة لديها 8 هيئات خدمية تنفق 11 مليار جنيه لا تقدم منتج وعائد حقيقي باستثناء الأبنية التعليمية التي تقوم بربع دورها .

صندوق دعم المشروعات التعليمية ينفق 600 مليون جنيه ما هو دوره وتأثيره .. محدش عارف .. المركز القومي للامتحانات يحصل على 36 مليون جنيه رغم أن منتج الإمتحانات يستوجب محاكمة القائمين عليه .. المركز القومي للبحوث التربوية يحصل على 31 مليون جنيه .. لكنها جميعا تحولت إلى تابوهات داخل الوزارة لايتم الاقتراب منها.

أجور العاملين في ديوان عام الوزارة غير المنطقية والتي تصل إلى مايزيد عن المليار جنيه .. 66% منها على شكل مكافآت للامتحانات التي ليس لهم أي علاقة بها، وحوالي 850 مليون جنيه حاجة إسمها مكافأة إدارة حيث يتم صرف شهرين لكل موظف في الديوان على مرتبه الشهري …




اترك رد