Search

أولياء أمور للوزير: لما كتب أولى وتانية إبتدائي مش جاهزة بدأت الدراسة «بدري» ليه

شوقي مع براعم المرحلة الأولى للتعليم


تسود حالة من الغضب بين أولياء أمور تلاميذ المراحل الأولى من التعليم الأساسي « رياض الأطفال وأولى وثانية إبتدائي» بسبب عدم تسليم الكتب لأبنائهم حتى الآن رغم بدء الدراسة الأربعاء الماضي ..

تصاعد الجدل والإنتقادات على جروبات أولياء الأمور والمعلمين إحتجاجا على إصرار الوزارة على تقديم موعد بدء الدراسة لأطفال المراحل الأولى والتي بدأت 11 سبتمبر الجاري وتساءلوا:

لما كتب أولى وتانية ابتدائي مش جاهزة وموصلتش المدارس بتدخلوهم بدري ليه؟ السن ده كل شغله من كتاب المدرسة الناس دي دماغها محشي أيه؟

وقالت ولية أمر: مدرسين الإبتدائي مبرمجين نفسهم علي ميعاد المدارس الإعدادى والثانوي ومش بيدوا الأولاد حاجة لغاية دلوقتي .. والله العيال بتروح المدرسة ما بتاخد حصة .. حسبنا الله ونعم الوكيل ..

ورد عليها معلم: طب واشمعنى المدرسين بيروحوا المدرسة كل يوم فى الصيف ولا فيه تدريس ولا أي حاجة يعملوها .. بس لازم يروحوا علشان الروتين لازم يمضوا حضور وانصراف..

وعلق معلم: أى هبل وتخبط وعشوائية .. المهم النظام با … دة سياسة برايز ف فتح الازايز .. وعلق معلم آخر: التلاميذ ليست مقصودة بل المعلمين لأن المعلمين فاضيين طول الاجازة معندهمش حاجه يعملوها إلا المطالبة بحقوقهم وانتقاد الوزير لكن لما يتلهوا في دخول التلاميذ وأولياء الأمور والدروس هيكون كل أمنيتهم ان يوم الخميس ييجى مش هيفكروا لا في وزير ولا في حقوق من الاخر انت بتطلب بحقك طب انا هقرفك ..

وعلق آخر: قول ياوزير التطوير كنت فين طول اشهر الصيف ليه الكتب ما تكونش فى المدارس من شهر .. هى دى مصر تدار بالورق وتمام يا افندم زى الفل والواقع زى الزفت ..

وعلقت معلمة: حتى يأخذ على الفصل ويعرف المدرسة والحمام والمدرسة والفصل كلها قضاء وقت مش اكتر لكى عندما يحضر الاولاد الكبار يكون استقر في الفصل ..

ومن التعليقات: يا جماعة الكتب موجودة من بداية شهر 9 ليه تظلموا الوزير بس هو مؤخر تسليمها لحد ما الكتب الخارجية تتوزع اللي باع لها المناهج الجديدة ..

وكان أولياء أمور ومعلمون تداولوا منشور منسوب لوزارة التربية والتعليم بأن شركة لونج مان ستقوم بتحصيل 300 جنيه من كل طفل وتلميذ في رياض الأطفال وأولى وثانية إبتدائي ثمنا لكتابي كونيكت بلس والأنشطة وستقوم بتحصيل 100 جنيه من كل معلم ثمن دليل المعلم للكتابين .. لكن جروبات تعليمية عممت إقتراح بتصوير الكتب وعدم شرائها أو استعارتها من الطلاب القدامى ..




اترك تعليقاً

لن يتم نشر عنوان بريدك الإلكتروني.